比起文字，說話往往能把事情變得生動有趣；
但有些感覺和想法，文字的表達卻更能觸動人心。

說一番話，可能下一分鐘就會忘記了；
但看著一篇文章，一篇日記，
卻是不能磨滅，令人回味無窮。
也許這正是這個網址可以生存到現在的一大理由吧﹗

夢想，好像天上的星星一樣
看似觸手可及，但卻是說時易，行時難
自己的夢想，好像因漸漸長大而慢慢變質
是自己不能從一而終﹖
還是夢想和現實是脫了節的呢﹖

會是如此嗎﹖
有否想過是你對自己的夢想未曾付出過﹖
如是這樣，那麼這究竟是夢想，還是空想…

一本畫簿的面頭，寫著一句 ： Sketch!  A truely free way to express yourselves!
空白的畫紙，因人的創作和想法而變得不平凡
有人說：圖畫的創作，既能表達作者的心情，又能在過程中令作者更了解自己。

自問對自己了解不深，這段時間更是充滿疑問。
好像有一個完善的5年大計，但想著想著卻好像不適合自己
很多時候我都對自己所處的角色感到懷疑
不論是學校，還是教會。

對教會多年的兄弟，我的能力受到應同嗎﹖
我是一個稱職的幹事嗎﹖
我是否要抽離自己的原則，「隻眼開隻眼閉」，會員的歸屬感才會提高﹖
我不能說是放棄了，但的確是失望…

最近參與的工作坊，提到所謂「不一樣的自己」其實是自己的另一面。
一個多麼樂觀的人都總會有陰暗的一刻
至於你「我」，會承認這一面嗎﹖

雜亂無章的一篇，正反映自身的心情…

p.s. 十分佩服 "gag" 的始創人。
       說話內容無疑是無聊絕頂的句子，但人總需要放鬆，總喜歡開心吧！

1:30 am

漫長的征戰終於結束，放鬆哂﹗﹗﹗ 重拾以往開朗既心情，擁抱我的暑假!!!!
過去左就由它過去，考得好定唔好到時就知啦﹗﹗至少而家我仲未想去諗住…

假期既開始當然使人振奮，但接連發生既天災、以及歡送活動，都令我心情唔好得去邊…
由12號睇報紙睇到而家，所有既內容就好似睇多次唐山大地震一樣。難得奧運不日o係北京進行，而家就有禁大既災難，真諷刺…
o係多個國家既協助下，仲使傷亡人數眾多，每日都有奇蹟出現，令當地，甚至所有人都十分鼓舞。當然，香港人係有愛心既一群，出錢出力都在所不計。只不過o係街逗留短短數小時，就有5個不同團體叫我捐錢振災，香港人真係十分熱情…@@
無論如何，請大家一起為中國祈禱，求主安撫佢地既心，賜佢地力量能夠早日重建家園﹗﹗

至於另外一件事，就當然係我地既牧者DOMINIC 離去啦…  感覺好突然，開頭o個陣都冇話有甚麼難離難捨既情緒，不過當天6:30 彌撒中，郤有受觸動既感覺。或者係大家都淚流滿面吧﹗至於唱既水準如何，結他鋼琴既音色好唔好已經唔重要，因為當晚在場既人都被歌聲歌詞觸動，被青年人既熱情熱心感動了…
自歡送活動開始，好多人都有o係BLOG 寫出對呂神既感謝同不捨。可以肯定既係，無論DOMINIC 係唔係一位神父，佢都受大家既尊重，大家既喜愛。無時無刻都能笑容滿面，對別人關懷備至，對朋友將心比心，這一切試問大家又可唔可以做得到呢﹖
好既朋友，可遇不可求。呂神o係我地堂區服務，係我地既福氣。感謝主既安排，派遣一位出色既牧者，好似兄長一樣帶領我地，同我地相約去找美麗，尋開心，令我地o係信仰以至生活態度都有不少既成長。記得o係備試既時候，每次見面你都關心我既情況；你既支持令我對信仰重拾信心。幾年黎大家共同遇到既，分享既，面對既，都令我心中感到十分溫暖。可能而家有點遲，不過我都想同你講︰DOMINIC，多謝你﹗﹗
自問唔係一個眼淺既人。不過送機前既彌撒中我都流下淚來…這的確係唔捨身既情緒。常言道︰天下無不散之莚席。離別固然係唔開心，但有離別先會有重聚一刻既歡愉。今次我終於有機會同DOMINIC 講學業進步。等你學成歸來，我地再同你o係某一天某地點再見吧！！

黎緊27/5-1/6，小弟一行五人去台灣旅行，望主能賜我們旅途平安愉快和有好天氣。手信就應該有既… 不過我$$$ 唔多，睇下買倒咩啦﹗

開學至今只有不足兩星期，要做既工作就多到我喘不過氣來‧‧‧

上學有一種蠻怪異既感覺，o係QC禁多年都係第一次感覺到。少了往日嘻笑怒罵既心態，嘈吵不堪既 READING PERIOD竟出現了平靜既時候！一眾滋事份子o係課堂上都收歛不少，靜靜的聽課。空閒時候唔係閒談著大學選科，就係做EXERCISE，溫NOTES。唔想上堂俾人問到口啞啞，個個番屋企都將NOTES 吞吞吞。害怕自己追不上，害怕失去時間，害怕跟別人距離愈來愈遠‧‧‧ 那種壓迫感還真是十分厲害！『勤有功』o係不知不覺間成為大家心中既格言。已經冇得話唔想或俾藉口自己，這個地步我地已經冇得選擇。一係就放棄，唔係就請繼續行這一條唯一既出路！！！

逆境自強，這是我做唐山閱讀報告時想到的。這四字詞 正好給我們年青人作很大的啟示和反省。進能保證通往成功既路上不是荊棘滿途，而是一條康莊大道？不要再自欺欺人了，根本沒有可能﹗生命既旅途上，難免遇上逆境，懂得把逆境看作機會，逆境自強，才會有成功既一日﹗遇上困難就斷然放棄，只是失敗著的常用語。不要做一個軟弱自卑的人，而要做一個有自信，有目標，有活力的年輕人﹗
生命的旅途上遇到逆境，使本來平凡無奇的生命添加了點點色彩，更給予機會我們去學習，去改進，讓我們為自己創造更動人的明天。生命動人之處，往往是能擁有創造和享受的一刻。這一刻對其他人而言，也許只是微不足道；不過這些零零碎碎回憶的碎片，仲使未能觸動別人，卻會是一篇觸動自己的故事呢﹗

老生常談的事往往給人乏味的感覺。但每次接觸這些人所共知的事實時，得著都會有所不同。細想之下，其實我們也不斷地成長著呢﹗

抽身離去，或者這是短期內最後的一篇．．．